Navigaсiya

Eskertiw: Bul betti ózgertkenińizde, siz CC0 astında óz úlesińizdi qosıwǵa razılıq bildiresiz. Qosımsha maǵlıwmat ushın Ulıwma ortalıq járdem betlerine qarań.

MediaWiki saytındaǵı hár bir bette tekǵana sizge kórsetiletuǵın maǵlıwmatlar jaylasıp qalmastan, bálki basqa betlerge ótiw imkaniyatı da bar. Bul "navigaciya" dep ataladı.

Sizge navigaciya boyınsha járdem beriw ushın, MediaWikidaǵı hár bir bette tiykarǵı úsh navigaciya elementleri ámelde:

1. Qaptal panel sizge Wikidaǵı aqırǵı ózgerisler yamasa fayl júklew kibi zárúrli betlerge kiriw imkaniyatın beredi. Qaptal paneldiń barlıq parametrlerin kóriwden aldın MediaWiki sizden sistemaǵa kiriwińizdi talap etedi.
2. Házirde ashılıp turǵan betke tiyisli siltemeler (kóbinese tablar dep ataladı): bular oǵan (házirgi ashılıp turǵan betke) baylanısqan Talqılaw beti, Tariyxın kóriw hám, eń áhmiyetlisi, Redaktorlaw siltemeleri.
3. Paydalanıwshı siltemeleri: siz anonim paydalanıwshı retinde Akkaunt jaratıw yamasa Sistemaǵa kiriw siltemelerin kóresiz. Al akkaunt arqalı kirgen paydalanıwshı bolsańız, sizde jeke siltemeler jıyındısı bar boladı, sonıń ishinde siziń paydalanıwshı betińizge hám jeke sazlamalarıńızǵa siltemeler de.

Hár bir bet ámeldegi standart navigaciya elementlerine qosımsha, óziniń siyrek gezlesetuǵın maǵlıwmatlarına iye bolıp, olar usı bettiń úlkenlew bas maydanında payda boladı. Ádette bul maǵlıwmat ishinde basqa betlerge siltemeler boladı.

Bul bette tiykarınan MonoBook hám Vector skinleri ("skin" - sayttıń sırtqı kórinisi) paydalanıladı. Basqa skinlerden paydalanǵanda sırtqı kórinis ózgeshe bolıwı múmkin.

Qaptal panel

Bette kórsetilgen qaptal panelge mısal

Qaptal panel bettiń shetinde sayt logotipi astında kórsetiledi (eger MonoBook yamasa Vector skininen paydalansańız). Bul qaptal panel sizge Wikidaǵı zárúrli betlerge kiriw imkaniyatın beredi, mısalı, Aqırǵı ózgerisler yamasa Fayldı júklew.

Navigaciya

Logotiptiń ústine basıw arqalı sizdi Wikidiń Bas betine qaytasız. Tómendegi Navigaciya bólimindegi siltemeler sizdi Wikidiń zárúrli betlerine aparadı. Bul siltemeler sayt administratorları tárepinen sazlanıwı múmkin.

Ásbaplar

Bul jerde ásbaplar siz kórip atırǵan bettiń túrine qaray ózgerip turatuǵın tańlamalı siltemelerdi óz ishine aladı.

Barlıq betlerde (arnawlı betlerden tısqarı)

• "Siltelgen betler" sizdi házir ashıq turǵan betke siltemeni óz ishine alǵan sol Wikidaǵı betler dizimine aparadı. Bul házir ashıq turǵan betke baylanıslı maǵlıwmatlardı izlegenińizde payda beredi. Jáne "siltelgen betler" maǵlıwmatı Wiki betlerdi qayta tiklewde hám ámeldegi betke siltemeler bul bettegi ózgerislerden keyin de orınlı ekenligin teksergende kerekli bolıwı múmkin.
• Keyingi, "baylanıslı ózgerisler" quralı ámeldegi betke baylanısqan betlerdegi barlıq sońǵı ózgerislerdi sanap ótedi. Barlıq úlgi betlerinde islengen sońǵı ózgerisler nátiyjelerdi kórsetiwshi betler dizimine kirgizilgen. Paydalanıwshı sazlamalarında ornatılıwı múmkin bolǵan "Kishi dúzetiwlerdi jasırıw" opciyası, basqa zatlar qatarı, "baylanıslı ózgerisler" ushın da ámel etedi.

Barlıq betlerde (sonıń ishinde arnawlı betlerde de)

• Qaptal paneldegi "fayl júklew" sistemaǵa kirgen paydalanıwshılarǵa súwret hám basqa fayllardı wikige júklew imkaniyatın beretuǵın arnawlı betti kórsetedi. Júklengen fayllardı wiki betler menen silteme arqalı baylanıstırıw yamasa bettiń ishine qosıw múmkin. Fayldı júklew qosılmaǵan bolsa, bul silteme kórsetilmeydi.
  Fayllardı júklew, serverdegi fayllardı kóriw, atap aytqanda, olardı wiki betlerinde kóriw hám júklengen fayllardı basqarıw usı qollanbanıń fayllardı basqarıw bóliminde talqılanadı.
• Keyingi, "arnawlı betler" quralı MediaWikidiń arnawlı betlerin kórsetedi. MediaWiki terminologiyasında "arnawlı bet" degeni Wiki haqqındaǵı maǵlıwmatlardı usınıs etetuǵın hám/yáki wikidi basqarıw háreketlerine kiriwge ruxsat beretuǵın bet bolıp tabıladı. Mısalı, wikide dizimnen ótken paydalanıwshılar dizimi, betler sanı hám betke kirgizilgen ózgerisler sanı sıyaqlı wiki haqqındaǵı statistikalıq maǵlıwmatlar, sistemalıq jurnallar, joytılǵan betler dizimi hám basqalar. Bul arnawlı betlerdiń quramı arnawlı bet júklengende avtomatikalıq túrde payda boladı.
  Standart arnawlı betlerdiń funkciyası hám isletiliwi haqqında bul qollanbanıń arnawlı betler bóliminde tabıw múmkin.

Bettiń tabları

Bettiń joqarǵı bólegindegi bettiń standart tabları

Bet tabları bettiń joqarısında, sayt logotipiniń oń qaptalında jaylasqan (eger MonoBook yamasa Vector skininen paydalansańız). Bul tablar belgili háreketlerdi orınlaw yamasa ámeldegi betke tiyisli qosımsha betlerdi kóriw imkaniyatın beredi. Ámeldegi standart háreketlerge tómendegiler kiredi: házir ashıq turǵan betti kóriw, redaktorlaw hám talqılaw. Siziń wiki betlerińizde kórsetiletuǵın arnawlı tablar siziń wikige kirgenligińiz yamasa kirmegenligińizge hámde wikide sistema operatorı (administrator) jeńilliklerine iye ekenligińizge baylanıslı. Arnawlı wiki betlerde tek atamalar kópligi tabı kórsetiledi.

Barlıq paydalanıwshılar ushın standart

• "atamalar kópligi" (bet, járdem, arnawlı bet, shablon, paydalanıwshı beti hám t.b. )
• "talqılaw"
• "redaktorlaw" (eger anonim redaktorlaw óshirilgen bolsa "kodın kóriw"di oqıwı múmkin, bet MediaWikide: atamalar kópligi yamasa bet qorǵalǵan)
• "tariyx"

Sistemaǵa kirgen paydalanıwshılar ushın qosımsha tablar

• "kóshiriw"
• "baqlaw"

Sistema operatorları (administratorlar) ushın qosımsha tablar

• "qorǵaw"
• "óshiriw"

Administratorlar JavaScriptten paydalanıw yamasa keńeytpelerdi ornatıw arqalı tablardı qosıwı yamasa óshiriwi múmkin, sol sebepli siz kóretuǵın tablar siz qaysı wikiden paydalanıp atırǵanıńızǵa qaray hárqıylı bolıwı múmkin.

Paydalanıwshı siltemeleri

Bettiń joqarǵı oń bólegindegi paydalanıwshınıń standart siltemeleri

Paydalanıwshı siltemeleri bettiń joqarǵı oń bóleginde kórsetiledi (eger standart Vector skini isletilse). Bul tablar sistemaǵa kirgen paydalanıwshıǵa óziniń jeke betin hám wiki sazlamaların kóriwge hám redaktorlawǵa imkan beredi. Bunnan tısqarı, paydalanıwshı siltemeleri oǵan wikige óz úleslerine tez kiriwge hám sistemadan shıǵıwǵa imkan beredi.

Anonim paydalanıwshılar ushın paydalanıwshı siltemeleri wikige kiriw betine silteme yamasa (nabada sayt administratorı tárepinen qosılǵan bolsa) siziń IP mánzilińizge hám IP mánzilińizdiń talqılaw betine silteme menen almastırıladı.

"Username"

Bul siziń paydalanıwshı betińizge silteme bolıp, ol jerde siz ózińiz haqqıńızda maǵlıwmatlar qosıwıńız, eslep qalıw zárúr bolǵan maǵlıwmatlardı yamasa basqa zatlardı saqlawıńız múmkin.

"Talk"

Bul siziń talqılaw betińizge alıp baradı, onda adamlar siz ushın xabarlar qaldırıwı múmkin.

"Preferences"

Jeke sayt sazlamalarıńızdı ózgertiwge múmkinshilik beredi.

"Watchlist"

Siz baqlap baratırǵan barlıq betler dizimi. Betler bul dizimge bettiń joqarı bólegindegi "baqlaw" belgisin basıw arqalı qosılıwı múmkin.

"Contributions"

Wikiǵa qosqan bárshe úleslerińiz dizimi.

"Log out"

Wikiden shıǵıw ushın usı siltemeni basıń.