Help:Navegación

Avisu: Al editar esta páxina, aceutes distribuir la to collaboración baxo llicencia CC0. Llei les Páxines d'ayuda de Dominiu públicu pa más información.

Cada páxina d'un sitiu Mediawiki nun tien namái información p'amosar sinón que te permite movete a otres páxines. Esto llámase «navegación».

P'ayudate a navegar, cada páxina de MediaWiki tien trés elementos principales de navegación:

1. La barra llateral te da accesu a páxines importantes de la wiki como los cambeos recién o xubir ficheru. MediaWiki rique qu'anicies sesión antes de ver toles opciones de la barra llateral.
2. Enllaces (de vezu llamaos llingüetes) relativos a la páxina que ta viéndose: la páxina d'alderique asociada, l'historial de versiones, y –mui destacable– l'enllaz d'edición.
3. Enllaces d'usuariu; como usuariu anónimu, verás un enllaz pa crear una cuenta o aniciar sesión. Como usuariu con sesión aniciada tendrás una coleición d'enllaces personales, incluyendo los de la to páxina d'usuariu y preferencies.

Amás de los elementos de navegación estándar que tien cada páxina, una páxina va tener la so información única que va apaecer na área principal más grande de la páxina. Xeneralmente dientro d'esta información van haber enllaces a otres páxines.

Esta páxina documenta principalmente les pieles MonoBook y Vector. Los aspeutos pueden ser distintos al usar otres pieles.

Barra llateral

Barra llateral d'exemplu, vista a la izquierda de la páxina

La barra llateral vese nel marxe izquierdu de la páxina baxo'l logo del sitiu (si uses la piel MonoBook o Vector). Esta barra llateral da accesu a páxines importantes de la wiki como los Cambios recientes o Xubir ficheru.

Navegación

Faciendo clic nel logo volverás a la páxina principal de la wiki. Los enllaces de la seición de navegación xusto debaxo llevaránte a páxines importantes de la wiki. Estos enllaces pueden configuralos los alministradores del sitiu.

Barra de ferramientes

La ferramientes contien una esbilla d'enllaces que cambien dependiendo del tipu de páxina que teas visitando.

En toles páxines (sacante páxines especiales)

• "Lo qu'enllaza equí" llévate a una páxina especial cola llista de les páxines d'esta wiki que contienen un enllaz a la páxina actual. Esto ye útil cundo tas buscando páxines con información rellacionada. La información "lo qu'enllaza equí" tamién pué ser útil cuando tas reescribiendo páxines de la wiki y necesites comprobar si los enllaces a esta páxina inda son relevantes después de los cambios na páxina actual.
• La ferramienta "cambeos rellacionaos" fai la llista de tolos cambios recientes nes páxines enllazaes dende la páxina actual. Los cambios recientes en toles páxines de plantíes relevantes inclúyense na páxina de llista resultante. La opción "Despintar les ediciones menores" que pué configurase nes preferencies d'usuariu aplícase, ente otres coses, a "cambeos rellacionaos".

En toles páxines (incluyendo páxines especiales)

• "xubir ficheru" amuesa una páxina especial que permite que los usuarios con sesión aniciada xuban imáxenes y otros ficheros a la wiki. Los ficheros xubíos pueden enllazase o incrustase nes páxines de la wiki. Esti enllaz nun s'amuesa si nun ta activada la xuba de ficheros.
  Cómo xubir ficheros, ver los ficheros qu'hai nel sirvidor, incluilos nes páxines wiki y alministrar los ficheros xubíos trátase na seición alministrar ficheros d'esti manual.
• La ferramienta "páxines especiales" amuesa la llista de páxines especiales de MediaWiki. Na terminoloxía de MediaWiki, una páxina especial ye la que presenta información tocante a la Wiki y/o permite l'accesu a actividaes alministratives de la wiki. Por exemplu, la llista d'usuarios rexistraos de la wiki, estadístiques de la wiki como'l númberu de páxines y númberu d'ediciones de páxines, rexistros del sistema, llista de páxines güérfanes, y asemeyaes. Estes páxines especiales polo común xenérense al cargar la páxina especial en llugar de guardase na base de datos de la wiki.
  La función y usu de les páxines especiales predeterminaes pué alcontrase na seición páxines especiales d'esti manual.

Llingüetes de la páxina

Llingüetes predeterminaes de la parte superior de la páxina

Les llingüetes de la páxina s'amuesen na parte d'arriba de la mesma, a la drecha del logo del sitiu (si uses les pieles MonoBook o Vector). Estes llingüetes te permiten facer aiciones o ver páxines rellacionaes cola páxina actual. Les aiciones predeterminaes disponibles incluyen: ver, editar, y aldericar sobro la páxina actual. Les llingüetes específiques que s'amuesen nes páxines dependen de si tienes aniciada sesión na wiki o non, y de si tienes permisos de sysop (alministrador) na wiki. Nes páxines especiales, sólo s'amuesa la llingüeta del espaciu de nomes.

Predeterminao pa tolos usuarios

• "espaciu de nomes" (páxina, ayuda, páxina especial, plantía, páxina d'usuariu, etc.)
• "alderique"
• "editar" (pué poner "ver fonte" si ta desactivada la edición anónima, la páxina ta nel espaciu de nomes MediaWiki:, o la páxina ta protexida)
• "historial"

Otres llingüetes pa los usuarios con sesión aniciada

• "treslladar"
• "vixilar"

Otres llingüetes pa los alministradores

• "protexer"
• "desaniciar"

Los alministradores puen amestar o desaniciar llingüetes usando JavaScript o instalando estensiones, de mou que les llingüetes que ves pues ser diferentes dependiendo de la wiki que teas usando.

Enllaces d'usuariu

Enllaces d'usuariu predeterminaos na parte superior drecha de la páxina

Los enllaces d'usuariu s'amuesen na parte superior drecha de la páxina (si tas usando la piel predeterminada Vector). Estes llingüetes permiten qu'un usuariu con sesión aniciada vea y edite la so páxina d'usuariu y preferencies de la wiki. Amás, los enllaces d'usuariu permiten al usuariu l'accesu rápidu a les son contribuciones a la wiki y zarrar sesión.

Pa los usuarios anónimos los enllaces d'usuariu cámbiense por un enllaz a la páxina d'aniciu de sesión de la wiki o, si ta activao pol alministrador del sitiu, un enllaz a la to direición IP y páxina d'alderique d'esa IP.

"Username"

Esto enllaza cola to páxina d'usuariu, que ye onde pues poner información de ti mesmu, guardar pieces d'información que quies recordar o cualquier otra cosa que te preste.

"Talk"

Esto enllaza cola to páxina d'alderique, onde la xente pué dexate mensaxes.

"Preferences"

Te permite cambiar les preferencies personales del sitiu.

"Watchlist"

La llista de toles páxines que tas siguiendo. Puen amestase páxines a esta llista faciendo clic en "vixilar" na parte d'arriba de la páxina.

"Contributions"

La llista de toles contribuciones a la wiki que ficisti.

"Log out"

Fai clic nesti enllaz pa zarrar la sesión na wiki.