Manual:External editors/ia

MediaWiki 1.5 es requirite. Assecura equalmente que vos ha le version plus recente del script si illo non functiona como expectate.

Le software MediaWiki permitte editar omne ressource con omne utensile externe. Isto functiona con un systema multo simple:

1. Quando un ressource es requestate pro edition externe, MediaWiki invia un file de controlo que contine informationes super le ressource, specialmente su location de rete (adresse URL) e le interfacie pro cambiar lo.
2. Le usator debe configurar su navigator assi que le typo MIME application/x-external-editor sia associate con un application auxiliar (helper program) special.
3. Le application auxiliar processa le file de controlo, obtene le ressource del servitor, lancea le application preferite pro editar lo, e, si desirate, immagazina le ressource retro al servitor.

Exemplos de Editor Externe in uso:

• 
  Edition de un imagine con Inkscape
• 
  Edition de un pagina wiki con KWrite

Application auxiliar

Existe un implementation de referentia del application auxiliar appellate "ee.pl" (disponibile hic, vide README pro instructiones de uso e INSTALL pro instructiones de installation). Isto es scribite in Perl e pote esser difficile a installar. Totevia, le programma ha functionalitate complete e un interfacie de usator graphic. Le disveloppatores es benvenite a scriber un implementation plus facile a usar; vide Help:External editors/Tech pro le specificationes.

Nota que le interfacie graphic de ee.pl lo rende multo facile de immagazinar le datos retro al servitor, includente un summario de editiones, o de cancellar le edition. Vos pote equalmente facer multiple editiones in le servitor con le button "Immagazina e continua".

Configuration de ee.pl

Pro cata Wiki con que vos vole usar ee.pl, adde a ee.ini un entrata como le sequente:

[MediaWiki]
URL match=//www.mediawiki.org/w
Username=(Vostre nomine de conto)
Password=(Vostre contrasigno)

Isto rende possibile que ee.pl aperi un session -- le programma non cognosce alteremente vostre contrasigno! Nota que si vos es active in multe Wikis, tales como le editiones de Wikipedia in diverse linguas, e si vos usa le mesme nomine de conto e contrasigno, vos pote simplemente usar alique como "wikipedia.org" o "wikimedia.org" con iste informationes de authentication como patrono de correspondentia pro le adresse URL (o ben ".org" si vos solmente intende acceder a iste sitos). Un entrata-exemplo generic:

[Generic]
URL match=.org
Username=(Vostre nomine de conto commun)
Password=(Vostre contrasigno commun)

Bookmarklet pro edition de texto

Vos pote invocar le editor externe con le sequente bookmarklet:

javascript:location=location + '?action=edit&externaledit=true';

Crea un nove bookmark/favorito in vostre navigator e copia isto in le campo pro le adresse URL. Simplemente aperi le favorito quando vos vole usar le editor externe. Nota que isto require que le utensile pro editores externe sia configurate como describite supra!